Ärdoğan: “Törkiyäneñ Fälästin xalqı belän teläktäşlegen totqarlıy almayaçaqlar”

İlbaşı Ärdoğan kabinet cıyılışınnan soñ belderü yasadı.

İzrailneñ Ğazzägä höcümnärendä 10 ayda 40 meñ gäyepsez keşeneñ häläq buluına işarät itüçe Ärdoğan: 

“Törkiyä isän qalu köräşen alıp barğan şuşı awır könnärendä Fälästin belän bergä, böten mömkinlekläre belän fälästinle qardäşlären qayğırta. Qan qoyuçı genośid bandası närsä genä êşlämäsen, Törkiyäneñ häm törek milläteneñ Fälästin xalqı belän teläktäşlegen totqarlıy almayaçaq”, - dide.

"Amerika belän bergä Könbatış aktyorları, qızğanıç, İzrailneñ häm bertörkem fanatik sionistnıñ äsirenä äylängän”, - dip belderüçe Däwlät başlığı Ärdoğan Törkiyäneñ 7nçe avgustta Gaagada İzrailgä qarşı açılğan genośid mäxkämä êşendä qatnaşu ğarizasın Xalıqara mäxkämägä tapşıraçağın da iskärtep uzdı.