Fidan Misırdan Fälästin xalqına teläktäşlegen citkerde

Misır tışqı êşlär ministrı Bädir Abdulatineñ çaqıruı belän kitkän Misırda oçraşular ütkärgän Fidan Äl Ariş portı häm Räfah çik buyı qapqasına baruı belän bäyle bularaq “X" sośial’ media akkauntınnan yazma belän urtaqlaştı.

Fidan Äl Ariş portında häm Räfah çik buyı qapqasında alıp barılğan êşçänlekne Misır räsmiläre belän bergä qarawın citkerep: "Törkiyä Ğazzägä iñ küp humanitar yärdäm kürsätkän il. Fäqät biregä kilüebezneñ maqsatı – Törkiyäneñ yärdämnären söyläşü tügel, Ğazzädä yäşängän genośidnı dönya cämäğätçelegeneñ iğ’tibarına cälep itü”, - dip äytte.

İzrailneñ çik buyı qapqasın yabuı, yärdäm konvoyların nişan itep aluı, humanitar yärdäm xezmätkärlären üterüe, xastalarnıñ häm tınıç xalıqnıñ êvakuaśiyäsen totqarlawı häm meñnärçä yök maşinası yärdäm äyberläreneñ çerüenä säbäp buluınıñ keşelekkä qarşı cinayät buluına basım yasawçı Fidan monıñ "çikneñ ikençe yağında başqarğan genośidnıñ berençe êtabı” buluın iskärtep uzdı.

Fidan: "İzrail citäkçelegeneñ şuşı zolımına dönyanıñ tawışsız buluın tuqtatuı kiräk, yärdämnärneñ Ğazzägä totqarlawsız häm özleksez räweştä citkerelüe öçen tağın da kübräk tırışlıq kürsätüe zarur”, - dip bäyäläw yasadı.

Ministr Fidan ayıruça Törkiyäneñ däwläte, watandaşı, ictimaği oyışmaları belän axırğaça Fälästin xalqınıñ yanında toraçağına, äxlaqi häm humanitar wazıyfasın tiyeşençä ütärgä däwam itäçägenä basım yasadı.