Mäxmüt Abbas Törkiyägä kilä

Fälästin däwlät başlığı Mäxmüt Abbasnıñ Törkiyägä kilep milli parlamentta çığış yasayaçağı belderelde. Bu xaqta Törkiyä ilbaşı apparatınıñ cämäğat’çelek belän êlemtä idaräse başlığı Fäxrettin Altun sośial’ media aşa citkerde.  

“Fälästin däwlät başlığı möxtäräm Mäxmüt Abbas 14-15nçe avgustta ilebezgä säfär yasayaçaq. 14nçe avgust, çärşämbe könne ul ilbaşıbız möxtäräm Räcäp Tayyip Ärdoğan belän oçraşaçaq, 15nçe avgust, pänceşämbe könne Törkiyä Böyek Millät mäcleseneñ ğomum şurasında çığış yasayaçaq” dip yazdı ul.

Fäxrettin Altun Tähranda üterelgän “Xamas” säyäsi byurosı liderı İsmail Xäniyyä nisbätennän urtaqlaşqan qayğınamäsendä bolay di: “Xamas” säyäsi byurosı räise İsmail Xäniyyäne üterüne kisken räweştä ğayeplim.  Şähit bulğan İsmail Xäniyyägä Allahtan yarlıqaw telim, ğailäse, Ğazzä xalqı, Fälästin häm islam dön’yasınıñ qayğısın urtaqlaşam”.