Töreklär Bolgariyada yanğın sünderä

Törkiyäneñ Qırklaräli töbägennän tağın 32 keşelek törkem Bolgariyada däwam itüçe yanğınnı sünderergä bulışu öçen kitte.

Svilengrad töbägendä 13nçe iyül’dän birle urmannar häm qırlar yana. Bolgariya dairäläre Törkiyäneñ Qırklaräli gubernatorınnan yärdäm soradı. Şunnan soñ gubernator Birol Äkici kürsätmäse belän törkem oyıştırıldı.

2 pikap, 5 su sibüçe maşina, greyder, bul’dozer, êkskavator häm êvakuatordan toruçı konvoy Bolgariyağa kerep sünderü êşçänleklärenä yärdäm itäçäk. Monnan tış, Ädirnädä boralaq häm oçqıçlar kürsätmä kötä.  

Kiçä kiçke säğat’lärdä dä yanğın urınına 3 pikap, 4 suğaruçı, 2 yanğın sünderü maşinası, 2 greyder, bul’dozer, êvakuator belän 40 xezmätkär kitkän ide.