Putin - Sälman söyläşüe uzdı

Rusiyä däwlät başlığı Vladimir Putin Soğud Ğaräbstanı täxet warisı, prinś Möxämmäd ibn Sälman belän telefonnan söyläşü ütkärde.

Kreml’dan yasalğan belderügä kürä Putin häm Sälman Rusiyä belän Soğud Ğaräbstanı arasında ike yaqlı xörmät häm mänfäğat’ nigezenä tayanğan dustanä mönäsäbätlärdä täêmin itelgän alğarışqa bäyä birde.

Säyäsät, säwdä, iqtisad häm ênergetika ölkälärendä ike il arasındağı xezmättäşlek belän bäyle ber törkem könüzäk mäs’älälär quzğatılğan söyläşüdä ênergetika bazarında totrıqlılıqnıñ täêmin itelüe maqsatı belän Neft’ êksportlawçı illär oyışması qısalarında yaqın koordinaśiyane däwam itterüneñ ähämiyätenä iğtibar cälep itelde.

İke lider söyläşülärneñ törle däräcälärdä däwam itterelüe mäs’äläsendä dä kileştelär.