Törkiyä İzrailneñ mäktäpkä höcümen ğayepläde

Törkiyä İzrail köçläreneñ Xan-Yunus şähärendä fälästinlelär sıyınğan ber mäktäptä distälärçä ber ğayepsez tınıç xalıqnı üterüen ğayepläde. Tışqı êşlär ministrlığınnan yasalğan yazmaça belderüdä bolay diyelä: “Xan-Yunusta tabılğan kümäk qaberleklär häm axırğı 4 köndä biredäge 4 mäktäpneñ utqa totıluı İzrailneñ Fälästin xalqın tulayım yuq itärgä maqsat itep quyuınıñ dälile”.  

Belderüdä bu höcümnärneñ İzrail xökümäte räise Bin’yamin Netan’yaxu xökümäteneñ utnı tuqtatu söyläşülärenä kirtä bulırğa tırışuın da kürsätüe assızıqlana. “İzrail wäqalätleläre keşelekneñ böten qıymmätlären häm xalıqara xoquqnı sanğa suqmawçı bu ğamälläre öçen qanun qarşında cawap totaçaq” diyelä anda.

İzrail köçläreneñ Ğazzä sızığındağı Xan-Yunus şähärendä toru urınnarı qalmağan fälästinlelär sıyınğan mäktäpkä höcümendä 29 keşe ülde, 50dän artığı yaralandı.