Ärdoğan İspaniyägä kitte

Törkiyä İlbaşı Räcäp Tayyip Ärdoğan ike könlek räsmi säfär belän İspaniyägä kitte

2152270
Ärdoğan İspaniyägä kitte

İlbaşı Ärdoğan säfäreneñ berençe könendä başqala Madridta İspaniyä patşası 6nçı Felipe belän oçraşaçaq, irtägä isä İspaniyä Baş ministrı Pedro Sançes belän küreşep söyläşäçäk.

Däwlät başlığınıñ oçraşularında iñ möhim temalarınnan berse Ğazzä bulaçaq, İzrailneñ töbäktäge höcümnäreneñ tuqtatıluı häm daimi tınıçlıq öçen yasala alınaçaq adımnar quzğatılaçaq.

İspaniyä 28nçe mayda Fälästinne räsmi räweştä tanuın iğ’lan itkän ide. Ärdoğan da bu qararnı yuğarı bäyäläwen beldergän ide.

Säfär waqıtında global’ täräqqıyätlär häm Törkiyä-İspaniyä mönäsäbätlärenä dä tuqtalıp uzılaçaq.

Ärdoğan ayıruça Baş ministr Sançes belän bergä Törkiyä häm İspaniyä arasındağı 8nçe xökümätlärara sammitnı citäkläyäçäk.

Yuğarı däräcäle oçraşuda säwdä, finans, mädäniyät häm sport ölkälärendä küp sanda kileşügä qul quyıluı da planlaştırıla.

İlbaşı Ärdoğannıñ törek häm ispan êşmäkärläreneñ êş forumınıñ açılışında qatnaşuı da kötelä.

İlbaşı Ärdoğannı Madrid-Torrexon-de-Ardos xärbi hawa mäydanında İspaniyä tışqı êşlär, Awrupa Berlege häm xezmättäşlek ministrı urınbasarı Fernando Sampedro Marcos, İspaniyäneñ Änkara tulı wäqalätle ilçese Cristina Latorre Sancho häm Törkiyäneñ Madrid tulı wäqalätle ilçese Nükät Küçükäl Äzbärci belän wazıyfalılar qarşı aldı.



Bäyläneşle xäbärlär