Ärdoğan D-8 cıyılışına kilüçelärne qabul itte

Törkiyä ilbaşı Räcäp Tayyip Ärdoğan D-8 iq’tisadi xezmättäşlek oyışmasınıñ tışqı êşlär ministrların qabul itte. İstanbulda Vaxdettin sarayındağı oçraşu matbuğatqa yabıq işeklär artında uzdı.

Söyläşüdä Törkiyä tışqı êşlär ministrı Xaqan Fidan häm İlbaşı iminlek häm tışqı säyäsät baş kiñäşçese Akif Çağatay Qılıç ta qatnaştı.  

İstanbulda oyıştırılğan D-8 tışqı êşlär ministrları şurasınıñ çirattan tış cıyılışındağı urtaq beldergedä Ğazzädä kiçekmästän daimi häm şartsız utnı tuqtatu häm İzrailneñ Ğazzädäge xalıqqa höcümnärenä çik quyu taläp itelä. Şulay uq, Fälästinneñ BMOğa tulı äğ’zalığın yaqlaw häm D-8 äğ’zası illärneñ Fälästin däğ’wasına teläktäşlege dä assızıqlana.