Könçığış êkspressı İstanbulğa kilde

Franśiya başqalası Parijdan 1 iyun’ könne quzğalğan Könçığış êkspressı İstanbulğa kilep citte.

Transport häm asqorıma ministrlığınnan yasalğan belderügä kürä Könçığış êkspressın Sirkäci vokzalında yanıçar muzıkantları qarşı aldı.

Śyurix, Vena, Budapeşt, Sofiya, Buxarest häm Varna şähärlären uzıp, Törkiyägä kilgän Könçığış êkspressı 7 iyun’dä Törkiyä waqıtı belän 16.05tä vokzaldan quzğalaçaq.

Törkiyägä uzğan yılnı 7 iyun’ häm 28 avgust könnärendä kilgän poyezd bıyıl da 2 säfär planlaştıra.

Törkiyäneñ Transport häm asqorıma ministrı Abdulkadir Uraloğlu kiçä Könçığış êkspressında Törkiyägä 48 keşeneñ kilüen, 38 keşeneñ kire kitäçägen belderde.

Lyuks poyezdnıñ İstanbulğa ikençe tapqır 28 avgustta kiläçägen citkergän ministr tübändägeçä däwam itte: “1883 yılda Parijdan İstanbulğa säfär başlatqan Könçığış êkspressı Awrupanıñ törle şähärlären ber-bersenä totaştırıp, aristokratlar, êşmäkärlär häm macara yaratuçılar arasında populyar säyäxät itü çarasına äylände. Poyezdda urın-cirle vagonnar, zal vagonnarı häm restoran vagonnarı belän barlığı 14 vagon bar. Awrupanıñ küp kenä ilen gizüçe poyezdnıñ iñ matur tuqtalışlarınnan berse – Törkiyä.”