D-8 ministrları İstanbulda cıyıla
İq’tisadi nigezdä qorılğan oyışma üz tarixında täwge tapqır säyäsi mäs’älä nisbätennän cıyıla
2148644
Ğazzädä tınıçlıq urnaştıru häm ike däwlätle säyäsi çişeleş öçen 8nçe iyün’dä D-8 illäreneñ tışqı êşlär ministrları İstanbulğa cıyıla. Anda Üsep kilüçe däwlätlär oyışmasına kerüçe Paqıstan, İndoneziya häm Malayziya tışqı êşlär ministrları, İran tışqı êşlär ministrı wäkile häm Bangladeş sośial’ üseş ministrınnan tış, Misır häm Nigeriyadan yuğarı däräcäle wäqalätlelär qatnaşaçaq.
Törkiyä tışqı êşlär ministrı Xaqan Fidannıñ ximayäsendä oyıştırılaçaq çaranıñ könüzägendä - Ğazzä. Anda töbäk belän bäyle köçle urtaq belderge qabul iteler dip kötelä.
İq’tisadi nigezdä qorılğan D-8 oyışması üz tarixında täwge tapqır Ğazzä şikelle säyäsi mäs’älädä ğadättän tış cıyılış ütkärä.
