Ayasofiya mäçete ramazanğa äzerlänä

İstanbuldağı Ayasofiya mäçete 11 aynıñ soltanı dip yörtelüçe ramazanğa äzerlänä.

Täwge tärawix namazı 10nçı martta qılınaçaq. Xäzer barlıq mäçetlär izge ayğa äzerlänä. Älege uñaydan İstanbulnıñ mäşhür mäçete Ayasofiyada dezinfekśiyäläw êşläre başlandı. Ğıybadätxanädäge kelämnär häm märmär öleşlär çistartıldı. Şunnan soñ mäçetkä Ispartadan kiterelgän maxsus roza suları sibelde.

Ramazan ayı säbäple Ayasofiyağa kerü säğat’läre dä üzgärtelde. Ğadättä tarixi mäçet Törkiyä waqıtı belän kiçke säğat’ 10ğa qadär açıq bula ide. Ramazan ayı buyı anıñ här kön 24 säğat’ açıq toruı küzallana.