Törkiyä Moldovağa tabiğıy gaz êksportlayaçaq

BOTAŞ Ütkärgeçlär belän neft’ qudıru akśionerlıq (акционерлык) cämğıyätennän yasalğan belderüdä ênergetika ğasırı vizionı belän yaña êksport kileşüläre öçen şaqtıy il häm şirkät belän söyläşülärneñ alıp barıluı äytelde.

BOTAŞnıñ ber-ber artlı tözegän êksport kileşüläre belän Awrupanıñ ênergiya qurqınıçsızlığın garantiyälärgä däwam (дәвам) itüe citkerelgän belderüdä:

"BOTAŞ, başqarğan asqorma investiśiyäläre (инвестицияләре), aldınğı tapşıru sisteması, geografik torışı häm şuşı köçle asqorması birgän östenleklärdän faydalanıp, yaña êksport kileşülären tözergä däwam (дәвам) itä. BOTAŞ ilebezne tabiğıy gaz säwdä üzägenä äyländerü maqsatı qısalarında “Törkiyäneñ häm Awrupanıñ ênergiyası” titulı belän tabiğıy gaz êksportın başqarğan illär isemlegenä tağın yaña ber Awrupa ilen östäde. Bu qısada BOTAŞ töbäktä häm bigräk tä Moldova ênergetika bazarında aktiv rol’ uynağan “East Gas Energy Trading” şirkäte belän tabiğıy gaz êksportı kileşüenä qul quydı”, - dip äytelde.

Belderüdä atnakiçen ütkärelgän tantana belän BOTAŞ İdarä şurası başlığı häm Ğomum mödire Burhan Özcan belän “East Gas Energy Trading” şirkäte Ğomum mödire Nikolai Gaboraknıñ kileşügä qul quyuı citkerelep:

"Ütkärgeç belän bügengä qadär Greśiyägä (Грециягә), Bolgariyağa, Macarstanğa (Vengriyağa) häm Rumıniyägä tabiğıy gaz êksportına qağılışlı kritik kileşülärne tormışqa aşırğan BOTAŞ, 1nçe üktäbr könennän başlap, kileşü qısalarında Moldovağa könenä 2 million kub metr tabiğıy gaz qudıraçaq”, - dip iskärtelep uzıldı.