Xaqan Fidan söyläşülären däwam (дәвам) itterä

Törkiyäneñ tışqı êşlär ministrı Xaqan Fidan Amerika Quşma Ştatları däwlät särqätibe Êntoni (Энтони) Blinken belän küreşep söyläşte.

Berläşkän Millätlär Oyışmasınıñ 78nçe Ğomum şurası qısalarında söyläşülären däwam itterüçe Fidan AQŞ däwlät särqätibe belän N’yu-Yorkta (Нью-Йоркта) ber qunaqxanädä küreşte.

Diplomatik çığanaqlardan alınğan mäğlümatqa kürä, üzara söyläşü yaqınça 45 minut bardı.

Söyläşüdä ike il arasındağı mönäsäbätlärneñ tağın da yuğarı däräcägä citkerelüe öçen kiläse çorda yasala alınaçaq tögäl häm konstruktiv adımnar mäs’äläsendä fiker alışuları belderelde.

Qara diñgez aşlıq kereşüe, Şveŝiyaneñ (Швециянең) NATOğa quşıluı häm Qarabaxtağı soñğı wazğıyät’ söyläşüdä quzğatılğan mäs’älälär arasında ide.

Xaqan Fidan  N’yu-Yorktağı Törek yortında (Нью-Йорктагы “Төрек йорты”нда) da Soğud Ğaräbstanı tışqı êşlär ministrı Faysal ibn Ferxan, İzrail tışqı êşlär ministrı Êli (Эли) Koên, Vengriyaneñ tışqı êşlär häm tışqı säwdä ministrı Peter Siyarto, Bel’giyaneñ tışqı êşlär, Awrupa êşläre, tışqı säwdä häm federal’ mädäni oyışmalar ministrı Xadja Laxbib belän küreşep söyläşte.

Ministr Fidannıñ izraille wazıyfadaşı belän söyläşüendä iqtisad, turizm häm konsullık belän ber rättän ike yaqlı mönäsäbätlär belän regional’ täraqqıyät’lärneñ qaraluı citkerelde.

Qaraçay törekläre belän dä oçraşqan Xaqan Fidan alarğa başkonsullık qapqalarınıñ härwaqıt açıq buluın äytte.

Ministr Fidan N’yu-Yorkta (Нью-Йоркта) Astana platformasınıñ tışqı êşlär ministrları cıyılışında da qatnaştı.