Törki dönya plastik xirurgiya platforması

Törkiyäneñ Kon’ya qalasında oyıştırılğan 12nçe Balqan plastik rekonstruktiv häm êstetik xirurgiya cämğıyäte (BAPRAS) Kongressı öçen şähärgä kilgän Törek plastik rekonstruktiv häm êstetik xirurgiya cämğıyäte başlığı professor doktor Cänk Dämirdövär kongressnıñ bik näticäle uzuın äytte.

Kongressta Törkiyäneñ äydäp baruçanlığında Qazaqstan, Qırğızstan, Azärbaycan häm Üzbäkstan belän Törki dönya plastik xirurgiya platformasın tözülären citkerüçe Dämirdövär platformanı tözü öçen yaqınça 6 ay êşläwlären belderde.

Platformanıñ töp maqsatınıñ plastik xirurgiya ölkäsendä tağın da alğa taba baru buluın añlatuçı Dämirdövär: "Plastik xirurgiya ölkäsendä fänni êçtälek alğı planda bulaçaq räweştä (рәвештә) üzara almaşu programmaların buldıraçaqbız”, - dip äytte.

Dämirdövär Törkiyäneñ plastik xirurgiya ölkäsendä barı tik üze urnaşqan geografiyanıñ aldınğısı ğına tügel, Awrupa häm Amerika Quşma Ştatlarınnan da küpkä alda buluın iskärtep uzdı.

İl bularaq monıñ iñ zur östenlegen sälamätlek saqlaw turizmında yäşäwlärenä işarät itüçe Dämirdövär: "Urta Aziyädäge törki däwlätlärdä plastik xirurgiya bu qadär yaxşı torışta tügel. Bez, belemnärebez häm täcribäbez belän urtaqlaşıp, andağı belem alu sıyfatın standartlaştıru häm tağın da yaxşırtu öçen şuşı platformanı tözedek”, - dide.

Dämirdövär platformadağı illärneñ urtaq cıyılışlar ütkäräçägen, fiker urtaqlaşu belän bergä üzara almaşu programmaları aşa öyränelgän belemne ber-bersenä citkeräçäklären äytte.