AQŞ: “Törkiyä belän säwdädä zur forsat bar"

Venkataraman başqala Waşingtonda Törkiyä häm Amerika Quşma Ştatları arasındağı säwdä mönäsäbätläre belän bäyle bularaq matbuğatqa bäyäläwlär yasadı.

Amerika Quşma Ştatları belän Törkiyä arasında tirän strategik urtaqlıq buluın belderüçe Venkataraman: "Törkiyädä yıllar buyı êşçänlek alıp baruçı bik küp AQŞ şirkäte bar häm bez monıñ belän ğorurlanabız. Törkiyä öçen alğa taba zur tendenśiya (тенденция) häm Amerika Quşma Ştatları belän Törkiyä arasındağı säwdäneñ kübäyıp üseş aluı öçen citdi forsat buluın küräbez”, - dip äytte.

Venkataraman: "Säwdä mönäsäbätlärebezneñ tiränlege häm här ike ildä dä bulğan käsepçelek isäpkä alınğan oçraqta säwdädä 100 milliard dollarlıq maqsatqa ireşü bik mömkin bulırğa tiyış”, - dip belderde.

Venkataraman, här ike xökümätneñ dä monıñ öçen êşläw zarurlığına basım yasap: "Xalqıbız arasındağı säwdäne alğa êtärä alu öçen döres säyäsätlärne alıp barırğa tiyışbez”, - dip iskärtep uzdı.

Amerika Quşma Ştatlarınıñ möhim säwdä êşçänlegeneñ berse bulğan "Träyd Winds" (Säwdä cilläre) çarasınıñ 13nçe-15nçe may könnärendä Törkiyädä uzaçağın belderüçe Venkataraman AQŞtan zur säwdä wäkillegen (делегациясен) İstanbulğa alıp baraçaqların äytte.

Venkataraman şuşı çara waqıtında şirkätlär arasındağı tögäl êlemtälär belän AQŞ häm Törkiyä arasındağı säwdä mönäsäbätlären kiñäytüne ömet itülären citkerde.

Törkiyä êksportçılar assambleyası mäğ’lümatlärenä kürä, Törkiyädän Amerika Quşma Ştatlarına uzğan yılda 16 milliard 900 million dollar külämendä êksport başqarılğan. AQŞtan yasalğan importnıñ küläme isä 15 milliard 200 million dollar bulğan.