Putin Ärdoğanğa anıñ turında söyläwçe dokumental’ fil’mnı täq’dim itte

Rusiyä däwlät başlığı Vladimir Putin ilbaşı Räcäp Tayyip Ärdoğanğa anıñ turında söyläwçe dokumental’ fil’mnı täq’dim itte. Kreml’ süzçese Dmitriy Peskov TASS xäbär agentlığına beldergänçä, bu Soçi şähärendä uzğan oçraşuda bula.

Ärdoğan turında säyläwçe dokumental’ fil’m rus jurnalistı häm TASS xäbär agentlığı ğomum mödire urınbasarı Mixail Gusman tarafınnan äzerlänä. Ul moña qadär Türkiyä liderı belän 4 tapqır interv’yu yasıy. Gusman üzeneñ “Xakimiyät formulası” programması qısalarında äzerlägän fil’mda Ärdoğannıñ balaçağınnan başlap tormışı, säyäsättäge kütäreleşe, uñışı häm idarädä bulğan çordağı xezmätläre bäyan itelä.

Monnan tış, anda ilbaşı Ärdoğannıñ küptän tügel rusçağa tärcemä itelgän “Tağın da ğadel dön’ya bula ala” isemle kitabınnan da ähämiyätle özeklär kiterelä häm anıñ fikerlärenä iğ’tibar cälep itelä.  

Rusiyä däwlät telekanalı “Rossiya-24”tä çıqqan dokumental’ fil’m iyün’ ayında Türkiyäneñ Mäskäwdäge ilçelegendä täq’dim itelde.

Rus jurnalistı Gusman ilbaşı Ärdoğannıñ böyek säyäsätçe buluın belderep bolay di: “Türkiyä mondıy liderı buluı öçen bäxetle. Ul barı tik böyek säyäsätçe genä tügel, zur xarizmağa iyä böyek şäxes. Zamança dön’yanı añlawçı bik yuğarı däräcädä, strategik fikerle säyäsi analitik. Bügen lider bularaq Ärdoğannıñ role barı Türkiyädä tügel, dön’yada da bik möhim”