Törkiyä – qoş grippınnan tulısınça arınğan töbäk
Bötendönya xayvan sälamätlegen saqlaw oyışması Törkiyäne “qoş grippınnan tulısınça arınğan töbäk” bularaq bilgeläde.
2032275
Törkiyä awıl xucalığı häm urman ministrlığınnan yasalğan belderügä kürä, Azıq-tölek häm kontrol’ ğomum mödirlege tarafınnan başqarılğan näticäle köräş belän Af’yonqarahisardağı häm Dänizlidäge awırunıñ taraluı beterelde.
Ministrlıq xastalıqnı tikşerü näticälären Bötendönya xayvan sälamätlegen saqlaw oyışmasına cibärde. Oyışma da êşçänlektän soñ böten Törkiyäne “awırudan arındırılğan töbäk” dip bilgeläde. 81 vilayätneñ qoş grippı xastalığınnan arındırıluı turındağı belderü isä Bötendönya xayvan sälamätlegen saqlaw oyışmasınıñ räsmi internet säxifäsendä bastırıldı.
Törkiyä ğıynwar ayında Af’yonqarahisarda, fevral’ ayında da Dänizlidä kilep çıqqan qoş grippı arqasında "xastalıqtan çista" torışın yuğaltqan ide.
