30nçı avgust ciñüeneñ 101 yıllığı

"Bäysezlek yäki ülem” diyıp çığılğan yulda, grek ğaskäre zur ciñelügä duçar itelep, 101 yıl êlek bügen qazanılğan ciñü törek milläteneñ yazmışın üzgärtte.

Anadolunıñ yawlap alına alınmayaçağın böten dönyağa kürsätelde häm dönyanıñ iñ zur qaharmanlıq dastannarınnan berse bularaq tarixqa kerde.

Törek milläte qan belän, ut belän, söñge belän ciñügä ireşte. İke yaqtan ta awır yuğaltular bulğan Sakar’ya qır suğışı Azatlıq suğışınıñ borılış noqtalarınnan berse bula.

Qazanılğan şuşı ciñüdän soñ tuqtatılğan doşman ğaskären tulısınça ildän çığarıp atu öçen äzerleklär başlandı.

Särğaskär Mostafa Kemal’ Paşa 1922nçe yılnıñ 26nçı avgsut könne Zur höcümne başlattı.

27nçe avgustta Af’yonqarahisar, 30nçı avgustta Kütah’ya, 1nçe sentyabrdä Ämät häm Tavşanlı doşman yawınnan azat itelde. 9nçı sentyabrdä İzmirdä grek ğaskären diñgezgä atqan törek armiyası Mostafa Kemal’ Paşanıñ boyırığın uñışlı räweştä (рәвeштә) başqardı.

Xärbi köç belän qabul itterergä telängän Sevr kileşüe suğış qırında yırtılıp ırğıtıldı. Lozanna tınıçlıq kileşüeneñ tözelüen täêmin itte. Törkiyä Misak-ı Millîneñ (milli çiklärneñ) geografiya maqsatlarına ireşte.