OESDdän Awraziya tunnelenä büläk

OESD Xalıqara iq’tisadıy xezmättäşlek häm üseş oyışması bulışlıq itüçe "Zäñgär noqta çeltäre sertifikatı" (Blue Dot Network- BDN) qısalarında uñışlı sınaw barışın tämamlağan Awraziya tunnele êkologik çista häm totrıqlı asqorma proyıktlarına ürnäk bulıp tora.

Törkiyä transport häm asqorma ministrı Abdulkadir Uraloğlu: "Awraziya tunnele êkologik yağı häm Parij klimat kileşüe maqsatlarına turı kilüe belän ayırılıp tora. Bu büläk proyıktıbıznıñ äylänä-tirä moxitqa sizgerlekne häm kiläse buınnarğa qaldırılaçaq nıq asqormanı wäkillek itüeneñ kürsätkeçe”, - dide.

14.6 çaqrım ozınlığındağı Awraziya tunnele Törkiyäneñ ike qıytğasın (Aziya belän Awrupanı) ber-bersenä totaştıruçı möhim asqorma proyıktı. Nigeze 2011nçe yılda salınğan tunnel, Aziya häm Awrupa yaqların ber-bersenä bäyläp, İstanbul yul xäräkäten ciñeläytüne maqsat itä.

Awraziya tunnele äylänä-tiräne häm ênergiyanı saq totu öçen bertörkem texnologik yañarışlar belän cihazlandırıldı. Tunnel ênergiya näticälelegenä häm su astı tormışın saqlawğa yünältelep proyıktlandı. Ber ük waqıtta proyıktnıñ tözeleşendä qullanılğan materiallarnıñ êkologik yoğıntıları da iğ’tibarğa alındı.

Tunnelneñ êkologiya bülägen aluındağı iñ zur faktorlardan berse - Parij klimat kileşüe maqsatlarına bulışlıq itüçe häm totrıqlı asqorma investiśiyälären (инвестицияләрен) stimullaştıruçı alımnarnı üzläşterüe.

"Zäñgär noqta çeltäre sertifikatı" (Blue Dot Network- BDN) – Amerika Quşma Ştatları, Yaponiya, Awstraliya häm Böyıkbritan xökümätläre tarafınnan alıp barılğan iniśiativa (инициатива). Bu kereşü (инициатива) totrıqlı asqorma proyıktların täşviq itüne häm dönya külämendä êkologik, ütä kürenmäle häm küptörlelekle asqorma investiśiyälärenä (инвестицияләренә) bulışlıq itüne maqsat itä.