Kurtulmuş: “Qor’änne yandıru - böten keşelekkä yasalğan açıq cinayät’”
Törkiyä Böyık Millät Mäclese Başlığı Numan Kurtulmuş qayber Könbatış illärendäge Qor’än-ı Kärimgä höcümnärneñ keşelekkä qarşı açıq cinayät’ buluın äytte
Kurtulmuş 14nçe Tulı wäqalätle ilçelär konferenśiyası (конференциясе) qısalarında başqala Änkarağa kilgän tulı wäqalätle ilçelärne Törkiyä Böyık Millät Mäclesendä qabul itte.
Könbatış illärendäge provokaśion (провокацион) ğamällärgä tuqtalıp uzuçı Kurtulmuş: “Könbatışta Qor’änneñ yandırıluı mäs’äläse barı tik bertörkem faşistlarnıñ möselmannarnı mısqıllaw bularaq qına kürenmäskä tiyış. Bu waqıyğa üze böten keşelekkä yasalğan açıq cinayät’. Bügen moña säyäsi säbäp belän tamaşaçı bulıp qaluçılar nigezdä üz azaqların äzerlilär. Awrupadağı şuşı rasaçı İslam doşmanı ağımnarınıñ üseşe nigezdä Awrupanıñ aqıllı häm urtaçıl säyäsät tamırların tupaslıy”, - dip äytte.
Kurtulmuş Törkiyäneñ İslam doşmanlığına qarata bilgelägän humanitar totışınıñ Awrupa xalıqlarınıñ demokratik kiläçäge cähätennän bik qıymmätle omtılış buluın belderde.
Kurtulmuş Törkiyäneñ tınıçlıqqa, totrıqlılıqqa häm ışanıçqa yünältelgän tışqı säyäsät alıp baruına basım yasadı.
Törkiyäneñ üz küçären nığıtırğa tiyış dip sanawçı il buluın bilgeläp uzuçı Kurtulmuş: “Monnan arı Törkiyä mondıy köçkä, qodratkä qawıştı”, - dip äytte.
Törkiyä Böyık Millät Mäclese Başlığı Numan Kurtulmuş Törkiyäneñ maqsatların tışqı säyäsät küçärendä nığıtırğa däwam (дәвам) itäçäklären belderde.
