Türkiyäneñ (Төркиянең) Misır belän säwdä külämeneñ arttırıluı

Ministr Bolat Säwdä ministrlığında Misır sänäğät häm säwdä ministrı Äxmäd Samir Salähne häm yanındağı êş dönyası wäkillären qabul itte.

Bolat oçraşu belän bäyle bularaq “Twitter” akkauntınnan urtaqlaşqan yazmasında Saläh belän ike il arasındağı säwdä häm iq’tisad êlemtälären bäyäläwlären citkerde.

İq’tisadi mönäsäbätlärdä yaña yul kartasın bilgeläwlären iskärtep uzuçı Bolat: "Misır belän ike yaqlı säwdäbezne 5 yıl êçendä 15 milliard dollarğa citkerü, İrekle säwdä kileşüebezne üsterü öçen Urtaq komitet cıyılışıbıznı ütkärü, kapital salu häm podryad xezmätlärendäge xezmättäşlegebezne üsterü, cirle aqçalar belän säwdä mömkinleklären tikşerü qararına kildek. Bez şuşı cıyılışta qabul itkän qararlarnı ütäw öçen Yuğarı däräcäle säwdä kiñäşmä mexanizmı qısalarında qısqa waqıt êçendä Qahirädä oçraşaçaqbız”, - dip bäyäläw yasadı.

Ministrlıqtan yasalğan yazmaça belderüdä dä söyläşü waqıtında ike yaqlı investiśiyälärneñ arttırıluı nisbätennän investorlarğa kiräkle uñaylıqlarnıñ tudırıluı öçen köçle xezmättäşlekneñ urnaştırıluı mäs’äläsendä kileşügä ireşelüe äytelde.

Belderüdä: "Säwdä ministrları arasında soñğı 10 yılda yasalğan berençe ike yaqlı säfär buluı säbäbe belän ähämiyätkä iyä bulğan oçraşu aldıbızdağı barışta ike il arasında alğa baraçaq säwdä häm iq’tisad xezmättäşlege öçen möhim nigez bulıp tora”, - dip iskärtelep uzıldı.