Sudan maxsus wäkile: “Bez Türkiyäneñ möhim rol’ aluına qarşı tügel”

İlçe Ali oçraşular ütkärü öçen kilgän başqala Änkarada “Anadolu” agentlığınıñ sorawlarına cawap birde.

Sudan belän Türkiyä arasındağı mönäsäbätlärneñ bik xosusıy buluın häm ğasırlarğa nigezlänüen belderüçe Ali ütkärgän söyläşülärdä mönäsäbätlärne här ölkädä nığıtu mäs’äläsendä kileşülären iskärtep uzdı.

Ali söyläşülär waqıtında Sudandağı êçke bäreleşlärneñ quzğatıluın citkerep: "(Sudandağı) Krizistan soñğı çor öçen Türkiyäneñ tağın da täêsirle, êffektiv rol’ uynawı öçen bez qarap uzğan küp sanda êşçänlek mäs’äläsendä kileştek. Bu mäs’älälär: Sudannıñ yañadan tözekländerelüe häm reabilitaśiyası. Sudanğa yärdäm kebek mäs’älälärdä Türkiyäneñ xalıqara häm regional’ rolen söyläştek,” – dip äytte.

Türkiyäneñ abruylı il buluın häm Änkaranıñ Sudandağı krizistan tağın da qatlawlı mäs’älälärdä häm krizislarda üz östenä alğan rolen yaxşı belülären iskärtep uzuçı Ali bolay dip äytte.

"Türkiyäneñ (Sudan mäs’äläsendä) üz östenä alaçaq härtörle rol’ne qanäğätlelek belän qarşılıybız. Çönki tarixi bağlanışları bulğan Sudan xalqınıñ mänfäğätlären uylawçı Türkiyäneñ başqa maqsatları êçendä bulmawına ışanabız. Türkiyä bezneñ öçen ışanıçlı il, urtaq qıymmätlärebezgä nigezlänep Sudan xalqına yärdäm itä. Xäzerge waqıtta (Sudan belän bäyle) alıp barılğan qısalarnıñ teläsä qaysısında Türkiyäneñ möhim rol’ aluına bez qarşı tügel.”