Ärdoğan Tön’yaq Kipr belän Azärbaycanğa bara

İlbaşı Ärdoğan 28nçe may saylawında wazıyfasına yañadan saylanuınnan soñ berençe çit il säfären bügen düşämbe könne Tön’yaq Kipr Törek Cömhüriyätenä yasıy.

Tön’yaq Kipr Törek Cömhüriyäte İlbaşı Ärsin Tatar häm Baş ministr Ünal Üstäl belän küreşep söyläşäçäk. Ärdoğan qara-qarşı söyläşü belän êşlekle töşke aş mäclesennän soñ İlbaşı sarayında Tatar belän bergä urtaq matbuğat oçraşuın oyıştıraçaq.

Söyläşülärdä aldağı çorda Kipr mäs’äläsendä yasalaçaq adımnarnıñ bäyälänelüe häm Könçığış Urta diñgezdäge täräqqıyätlärneñ quzğatıluı kötelä.

İlbaşı Ärdoğan sişämbe könne yasayaçaq Azärbaycan säfäre qısalarında isä Däwlät başlığı İlham Äliyıv belän qara-qarşı häm wäkilleklärara söyläşülär ütkäräçäk.

İke yaqlı mönäsäbätlärneñ häm xezmättäşlek ölkäläreneñ üsterelüe öçen yasalaçaq adımnar quzğatılaçaq söyläşülär waqıtında regional’ häm xalıqara mäs’älälärdä fiker alışu bulaçaq.