Türkiyä parlamentınıñ yaña başlığı saylandı

Türkiyä Böyek Millät Mäclesendä ütkärelgän tawışqa quyunıñ öçençe turında 321 tawış alğan Numan Kurtulmuş Parlament başlığı buldı.

İlbaşı Räcäp Tayyip Ärdoğan, telefonnan şaltıratıp, Numan Kurtulmuşnı täbrik itte, yaña qanun çığaru çorınıñ xäyırle buluın häm uñışlı uzuın teläde.

İlbaşı Ärdoğan Numan Kurtulmuşnı wazıyfasın üz östenä aluınnan soñ İlbaşı qolliyätendä qabul itte.

İlbaşı urınbasarı Cäwdät Yılmaz da sośial’ media akkauntınnan, Kurtulmuşnı qotlap, wazıyfasında uñışlar teläde.

İlbaşı idaräseneñ êlemtä başlığı Fahrettin Altun da sośial’ media akkauntınnan Numan Kurtulmuşnı täbrik itte, uñışlar teläde.

“Aq” partiya süzçese Ömär Çälik tä, Kurtulmuşnı qotlap: "İlebez häm böyık millätebez öçen xäyırle, uñışlı bulsın,” – dip teläklären citkerde.