Ärdoğan Putin häm Zelenskiy belän söyläşte

Türkiyä liderı Kaxovka böyäsendäge şartlawnı tikşeräçäk xalıqara komissiyä nisbätennän qulınnan kilgänneñ barısın da êşlärgä ışandırdı

1996721
Ärdoğan Putin häm Zelenskiy belän söyläşte

Türkiyä ilbaşı Räcäp Tayyip Ärdoğan Rusiyä däwlät başlığı Vladimir Putin belän telefonnan söyläşte.

İlbaşı apparatınıñ êlemtä bülegennän belderülärençä, äñgämädä  2022nçe yılnıñ 24nçe fevralennän birle däwam itüçe Rusiyä-Ukraina suğışındağı täräqqıyät’lär qaraldı.

İlbaşı Ärdoğan Ukrainanıñ Xerson töbägendä Ruslar kontrolendäge Kaxovqa böyäsendäge şartlawnı külämle tikşerüneñ bernindi şöbhägä urın qaldırmayaçaq räweştä tormışqa aşırıluınıñ ähämiyätle buluın äytte. Ul bu nisbättän rus häm ukrain belgeçlär, BMO häm Türkiyäne dä kertep, xalıqara cämäğat’çelek qatnaşında komissiyä tözelä aluın belderde. Ärdoğan älege uñaydan Türkiyäneñ qulınnan kilgänne êşlärgä äzer buluın citkerde.  

Monnan tış, törek lider aşlıq kileşüeneñ däwam itüenä böten dön’yanıñ ähämiyät birüen assızıqladı. Ul berdäm tırışlıq belän tözelgän kileşüneñ global’ azıq-tölek krizisın çikläwdä tormışçan rol’ uynawına iğ’tibar cälep itte.

Ärdoğan Rusiyäneñ aşlıq häm aşlamasın êksportlawdağı kirtälärne beterü öçen BMO belän alıp barılğan söyläşülärdä näticä kürüen äytte.Ul Türkiyäneñ ğadel tınıçlıq tözü öçen kiräkle tırışlıqnı alğa taba da quyaçağın assızıqladı häm bäreleşlärneñ tögällänüe öçen kiräkle barlıq yärdämne êçkersez räweştä birergä äzer buluların söyläde.

Ärdoğan Ukraina däwlät başlığı Volodimir Zelenskiy belän dä telefonnan söyläşkän ide. Ul Kaxovka böyäsendäge şartlaw belän bäyle oyıştırılırğa mömkin xalıqara komissiyä nisbätennän Türkiyäneñ qulınnan kilgänne êşlärgä äzer buluın belderde.



Bäyläneşle xäbärlär