Xakan Fidanğa täbriklär böten dön'yadan kilde

Ministrlar kabinetınıñ bilgelänüennän soñ yaña tışqı êşlär ministrı Xakan Fidanğa bik küp ildän qotlawlar kilde. Azärbaycan, Tön’yaq Kipr Törek cömhüriyäte, Franśiya, Şveśiyä häm Ukraina aña täbriklären citkergän berençe däwlätlär buldı.

Azärbaycan tışqı êşlär ministrı Cäyxun Bayramov sośial’ media aşa urtaqlaşqan qotlawnamäsendä bolay di: “Tuğandaş Türkiyäneñ yaña tışqı êşlär ministrı bularaq bilgelängän xörmätle Xakan Fidannı çın küñeldän qotlıym, aña bu maqtawlı wazıyfada uñışlar telim. Azärbaycan belän Türkiyä arasındağı tuğanlıq häm berlektäş mönäsäbätläreneñ tağın da nığıyaçağına ışanam”.

Tön’yaq Kipr Törek cömhüriyäteneñ tışqı êşlär ministrı Taxsın Ärtuğruloğlu da Xakan Fidanğa yaña wazıyfasında uñışlar teläp bolay dip yazdı: “Milli däğ’wabıznı alğa taba alıp baruda nıqlı räweştä yulnıñ däwam iteläçägenä tulısınça ışanam. “Türkiyä ğasırı” xäyerle bulsın”.

Franśiya tışqı êşlär ministrı Katrin Kolonna sośial’ mediada törek telendä qotlawnamä urtaqlaştı.  

Xakan Fidannı berençe bulıp täbriklägän keşelär arasında Şveśiya tışqı êşlär ministrı Tobias Billström da bar. Ul ike däwlät arasında yaxşı xezmättäşlekne dürt küz belän kötüen assızıqladı.

Ukraina tışqı êşlär ministrı Dmitro Kuleba da sośial’ media aşa Xakan Fidanğa täbriklären citkerde.  

“Bergä êşläwne häm ike dus il arasında strategik xezmättäşlekne tağın da üsterüne sabırsızlanıp kötäm,”-dide ul.