İlbaşı räsmi räweştä wazıyfasına kereşä
Ul bügen parlamentta ant itä

Tağın ber tapqır ilbaşı bulıp saylanğan Räcäp Tayyip Ärdoğan räsmi räweştä wazıyfasına kereşä. Ul anı 2028 nçe yılğa qadär däwam itäçäk.
Berençe tantana başqala Änkarada Türkiyä Böyek Millät Mäclesendä bula. Biredä räsmi qarşı alu tantanası oyıştırıla.
Ärdoğanğa mandat tapşırılaçaq häm ul parlament ğomum şurasında ant itäçäk.
Parlamenttağı ant itü tantanasında NATO ğomum särqatibe Yens Stoltenberg, Venesuêla däwlät başlığı Nikolas Maduro, Azärbaycan ilbaşı İlham Aliyev, Paqıstan prem’yer-ministrı Şahbaz Şärif, Ärmänstan prem’yer-ministrı Nikol Paşinyan qatnaşa.
Parlamenttağı ant itü tantanasında Somali, Aljir häm Balkan illärennän ilbaşı däräcäsendä qatnaşu kötelä.
Qayber illärdän tışqı êşlär ministrları kiläçäk.
Tantanada Amerika Quşma Ştatların tulı wäqalätle ilçe Djeffri Fleyk, Rusiyäne Däwlät Duması Räise Vyaçeslav Volodin täq’dim itä.
İlbaşı Ärdoğan Türkiyä waqıtı belän 19 säğat’tä Çankaya sarayında çit il qunaqları xörmätenä kiçke aş uzdıraçaq.
Kiçke aştan soñ Ärdoğan yaña kabinet äğ’zaların iğ’lan itär dip kötelä.
Bäyläneşle xäbärlär

Xaqan Fidan söyläşülären däwam (дәвам) itterä
Törkiyäneñ tışqı êşlär ministrı AQŞ däwlät särqätibe Êntoni (Энтони) Blinken belän küreşep söyläşte