Ärdoğannı liderlar täbrik itä

Törkiyä ilbaşı Räcäp Tayyip Ärdoğanğa qabat ilbaşı bulıp saylanuı uñayınnan dön’ya liderlarınnan täbrik telefonnarı häm yullamaları kilä.

Tön’yaq Kipr Törek Cömhüriyäte däwlät başlığı Ärsin Tatar, Yordaniya patşası Abdullah II, Venesuêla ilbaşı Nikolas Maduro, Greŝiyaneñ êlekke prem’yer-ministrı häm Yaña Demokratiya partiyase liderı Kiryakos Miçotakis, Liviya Yuğarı Däwlät Şurası Xalit Ammar äl-Mişri Törkiyä ilbaşı Räcäp Tayyip Ärdoğanğa şaltıratıp, ciñü belän qotladı, saylaw näticäläreneñ törek xalqı öçen xäyerle buluın teläde.

NATO ğomum särkätibe Yens Stoltenberg ta, ilbaşı Ärdoğanğa şaltıratıp, qabat wazifağa saylanuı belän qotladı.

Stoltenberg soŝial’ säxifädä açıqlaw yasap, telefon söyläşüendä Vil’nyusta iyul’ ayında uzaçaq NATO oçraşuı, Ukrainanı xuplaw, NATOnıñ saqlanuın nığıtu, Şveŝiyaneñ NATOğa quşıluı kebek möhim mäs’älälärne qarawların belderde.

Ärmän Waqıflar Berlege başlığı Bedros Şirinoğlu da täbrik yullamasında Räcäp Tayyip Ärdoğannı qabat ilbaşı bulıp saylanuı belän qotladı.