Ärdoğannı 100dän artıq däwlät qotladı

Türkiyä ilbaşı Räcäp Tayyip Ärdoğan älegä qadär 19 ildän qabat ilbaşı bularaq saylanuı belän qotlaw şaltıratuı aldı, 100dän artıq däwlät häm xalıqara oyışma liderı aña yazmaça täbriknamä cibärde.

İlbaşı apparatı êlemtä bülege başlığı Fäxretdin Altun sośial’ media aşa yasağan belderüendä Ärdoğannı saylawdağı uñışı öçen dön’ya liderlarınıñ qotlawları däwam itüen äytte.

Azärbaycan, Üzbäkstan, Törekmänstan, Qazaqstan, Amerika Quşma Ştatları, Rusiyä, Ukraina, Angliya, Germaniya, Franśiya, Niderland, Katar, Berläşkän Ğaräp Ämirlekläre, Misır, Fälästin, İzrail, Liviya, Paqıstan, Gvineya Bissaunıñ däwlät häm xökümät başlıqları turıdan-turı telefonnan şaltıratıp Ärdoğanğa täbriklären citkerde.

İlbaşı apparatı êlemtä bülege başlığı Fäxretdin Altun bolay dip belderde: “Möxtäräm ilbaşıbız lider diplomatiyäseneñ mömkinleklären ikeyaqlı mönäsäbätlärebezne üsterü, regional’ häm global’ mäs’älälärne çişü, tınıçlıq häm totrıqlılıqqa öleş kertü öçen alğa taba da qullanaçaq”.