İstanbulnı ciñep alunıñ 570 yıllığı qotlana

Xäzräti Möxämmädneñ söyeneçe belän fatixalanğan İstanbul 570 yıl êlek Fatih Soltan Mäxmäd citäkçelegendäge Ğosmanlı däwläte tarafınnan ciñep alına.

1453nçe yılnıñ 29nçı may könne qapqaları açılğan İstanbulnıñ ciñep alınuı belän "Fatih" isemen alğan Soltan 2nçe Mäxmäd zur tolerantlığı belän şähärne talattırmağan, ciñep alunıñ bilgese bularaq ta Ayasofiyanı mäçetkä äyländergän.

İstanbulnıñ ciñep alınuınıñ 570 yıllığında da Ayasofiya mäçetendä irtänge namaz uqıldı.

Diyanät êşläre başlığı Ali Ärbaş uqıttırğan namazda safta toruçılar arasında Êçke êşlär ministrı Söläyman Soylu da bar ide.

Yözlägän keşe Ayasofiya mäçetenä kilde.

Törkiyä Böyek Millät Mäclese başlığı Mostafa Şäntop İstanbulnıñ ciñep alınuınıñ 570 yıllığın sośial’ media akkauntınnan urtaqlaşqan yazması aşa qotladı.

Şäntop: "Däwerne açıp däwerne yapqan, tarix barışın üzgärtkän soltannarnıñ soltanı Fatih Soltan Mäxmädneñ cihannıñ êncese, ğaziz millätebezneñ bik yaratqan qaderle urını bulğan İstanbulnıñ ciñep alınuınıñ 570 yıllığı qotlı bulsın,” – dip äytte.

İstanbulnıñ ciñep alınuı här yıl bulğanı kebek bıyıl da 29nçı mayda böten Türkiyä külämendä häm Tön’yaq Kipr Törek Cömhüriyätendä kütärenke rux belän qotlana.