Törek yortına höcüm itüçe mäxkämä qarşına çıqtı

Amerika Quşma Ştatlarında Türkiyäneñ BMOdağı daimi wäkillege belän N’yu-York baş konsullığı urnaşqan Törek yortına 22nçe mayda timer lom belän höcüm itkän şöbhäle Räcäp Akbıyık kontrol’ astında irekkä cibärelde. Ul 26nçı mayda saq astına alındı häm N’yu-York mäxkämäsendä xökem qarşına çıqtı.

Akbıyıqqa antlı tärcemäçe arqılı “talawğa omtılış, terrorçılıq cinayäte häm cinayät’ qılu öçen qoral yörtü, terrorçılıq yanawı, zarar birü” ğayepläwläre belderelde. Aña Törek yortına yaqınlaşu tıyıldı. Kiläse mäxkämä utırışı 25nçe iyül’gä bilgelände.

Akbıyıknı, mäxkämädän soñ, xoquq saqlaw köçläre küzätüe astında N’yu-Yorknıñ Belv’yu xastaxanäseneñ psixiatriyä häm nevrologiyä bülegenä psixologik sawlığın tikşerü öçen alıp kittelär.