“Hızır Räis” suğa töşerelde

Ministrlıqnıñ “Twitter” akkauntınnan yasalğan belderüdä: "Yaña tördäge suastı köymäse proyıktınıñ ikençe qorabı “Hızır Räis” 2023nçe yılnıñ 25nçe may könne suğa töşerelde. Diñgez köçlärebezgä xäyırlı bulsın,” – dip äytelde.

Gölcük sudno tözü êşxanäsendä êşläp çığarılğan berençe suastı köymäse “TCG Piri Räis (S-330)” 2021nçe yılnıñ mart ayında diñgezgä töşerelgän ide. “TCG Hızır Räis” suastı köymäse buksirlaw häm “TCG Sälman Räis” suastı köymäsen berençe êretep yabıştıru tantanası da 2022nçe yılnıñ 23nçe may könne İlbaşı Räcäp Tayyip Ärdoğan qatnaşuında uzdırılğan ide.

Hawadan bäysez êtärgeç sisteması belän cihazlandırılğan “Räis” kategoriyasındağı suastı köymäläre şuşı räweşle öskä çıqmıyça atnalar buyı su astında xäräkät itä alu mömkinlegenä iyä. Tübän tawışlı navigaśiya sälätenä iyä suastı köymäläre yäşeren räweştä ozaq waqıt buyı operaśiya başqara ala. 68 metr ozınlıqtağı häm 2 meñ tonnadan kübräk awırlıqtağı suastı köymäsendä 40 keşelek personal wazıyfa başqara alaçaq.