Türkiyä Afrika könen qotladı
Türkiyä Afrika illärenä totışınıñ Afrika Berlegeneñ töp nigezlärenä tulısınça turı kilüen, qıytğada bötenber, kiñ qolaçlı, ike yaqlı xörmät häm üzara faydalı tigez urtaqlıqqa nigezlänüen belderde
Türkiyä tışqı êşlär ministrlığı tarafınnan "25nçe may Afrika köne" mönäsäbäte belän yasalğan yazmaça belderüdä:
"Afrika xalıqlarınıñ berdäm, tınıçlıq häm mullıq êçendä qıytğa ideallären wäkillek itüçe Afrika Berlegeneñ tözelüeneñ 60 yıllığına turı kilgän 25nçe may Afrika köne uñayınnan böten Afrikalı qardäşlärebezne çın yöräktän qotlıybız,” – dip äytelde.
Bıyıl Afrika köne qısalarında Afrika mädäniyät yortı xezmättäşlege belän qıytğanıñ mädäniyäten çağıldıru öçen Afrika qul êşläre sänğät kürgäzmäseneñ açılaçağı, Çit illärdäge töreklär häm tuğandaş cämğıyätlär räislege tarafınnan "Cömhüriyätneñ 100 yıllığında Türkiyä-Afrika mönäsäbätläre" isemle panel oyıştırılaçağı citkerelgän belderüdä 38 Afrika däwläte wäkillek itelgän Änkarada qaluçı Afrika illäre ilçeläre oyıştıraçaq qotlaw çarasında Türkiyä tışqı êşlär ministrı urınbasarı, tulı wäqalätle ilçe Burak Aqçaparnıñ da çığış yasayaçağı bilgeläp uzıldı.
Pan-Afrika ruxınıñ qorılışqa äylänüeneñ 60 yıllığında Afrikanıñ xalıqara cämğıyätneñ xörmätle, täêsirle häm töp aktyorına äylänüenä işarät itelgän belderüdä şuşı añlayış belän Afrikalı duslarınıñ tınıçlıq, totrıqlılıq häm üseş yünäleşendäge tırışularınıñ häm xalıqara platformalarda Afrika aktivlığınıñ artuına qağılışlı iniśiativalarnıñ tulısınça xuplanuına basım yasaldı.
