İlbaşı Ärdoğannıñ 19nçı May yullaması

Milli köräşneñ särğaskäre, Cömhüriyätkä nigez saluçı, Gazıy Mostafa Kemal’ Atatörekneñ Samsunğa kilüeneñ 104 yıllığınıñ şatlığın häm dulqınlanuın yäşäwlären belderüçe Ärdoğan 19nçe May Atatörekne iskä alu, yäş’lär häm sport bäyrämen täbrik itte.

Gazıy Mostafa Kemal’ Atatörekneñ törek yäş’lärenä büläk itkän 1919nçı yılnıñ 19nçı may könen ata-balalarıbıznıñ mömkinsezleklär êçendä dä xätta böyık iman häm ışanu belän qarışılıq ruxın yañartunıñ simvolı bularaq bäyäläwçe Ärdoğan:

"19nçı may törek milläteneñ imperialist köçlärgä qarşı berlek häm berdämlek êçendä zolımğa baş iymäyäçägen yañğıratıp, tarixtağı iñ zur qaharmanlıq dastannarınnan bersen yaza başlağan kön,” – dip bäyäläw yasadı.

Ata-babalarnıñ bäysezlek häm kiläçäk öçen kürsätkän batırlıqnı kiläse buınnarğa iñ canlı räweştä citkerüneñ iñ möhim wazıyfaları buluın citkerüçe Ärdoğan bolay dip äytte:

"Şuşı anlayış belän ber ğasır äwwälge rux belän ata-babalarıbızdan alğan qotlı amänätlärne saqlıybız, ilebezneñ kiläçägebezneñ simvolı Türkiyä ğasırın tözibez. Köräş ixtıyarıbıznı, böyık häm köçle Türkiyäne tözü dulqınlanuıbıznı daimi canlı itep saqlap qaluıbız öçen yäş’lärebezne böten ölkälärdä yaqlıybız, alarğa härtörle mömkinlekne häm forsatnı biräbez.

İlebezneñ demokratiya häm üseş adımnarın proyıktlağan häm tormışqa aşırğa çaqta iñ küp yäş’lärebezgä ışanabız. Üzlärenä bez täq’dim itkän mömkinleklärne iñ yaxşı räweştä qullanıp zur uñışqa ireşkän yäş’lärebez belän ğorurlanabız. İlebez üskän, qamilläşkän sayın xıyalların tormışqa aşıruları öçen yäş’lärebezgä tağın da kübräk yärdäm kürsätäçäkbez.

Türkiyä ğasırı vizionıbıznı bez amänät itkän yäş’lärebezneñ soñğı däwlätebez Cömhüriyätebezne köçle räweştä saqlap qaluı kiläçägebezgä ışanıç belän qarawıbıznı täêmin itä. Bu töşençälär belän 19nçı May Atatörekne iskä alu, yäş’lär häm sport bäyrämen qabat täbrik itäm, Gazıy Mostafa Kemal’ Atatörek belän bergä Azatlıq suğışıbıznıñ böten qaharmannarın xörmät belän iskä alam."