Rusiyä häm Ukraina aşlıq kileşüen rasladı
Türkiyä ilbaşı Räcäp Tayyip Ärdoğan Qara diñgez aşlıq koridorı kileşüeneñ tağın 2 ayğa ozaytıluı turında qarar çığarıluın kiçä beldergän ide
Rusiyä häm Ukraina wäqalätleläre Qara diñgez aşlıq koridorı kileşüeneñ 18nçe iyül’gä qadär ozaytıluın rasladı.
Rusiyä tışqı êşlär ministrlığı süzçese Mariya Zaxarova başqala Mäskäwdä uzdırılğan atnalıq matbuğat cıyılışında älege mäs’älä xaqında belderü yasadı. Ul Türkiyä ilbaşı Räcäp Tayyip Ärdoğannıñ kileşüneñ tağın 2 ayğa ozaytıluı turında citkerüen iskärtep bolay dide: “Bu mäs’älädäge belderülärne raslıybız. Şulay itep, süzdä genä tügel, ğamäldä global’ azıq-tölek iminlegen täêmin itü, barınnan da êlek iñ küp ixtiyac toyuçı illärgä yärdäm itü mömkinlege barlıqqa kilde”.
Zaxarova kileşüne ütäw prośessındağı qıyınlıqlarnıñ iñ tiz arada tözätelüe kiräklegen häm belgeçlärneñ bu mäs’älädä êşläyäçägen assızıqladı.
Ukraina asqorma ministrı Oleksandr Kubrakov sośial’ media aşa yasağan belderüendä aşlıq kileşüeneñ 18nçe iyül’gä qadär ozaytıluın citkerep bolay dide: “Berläşkän Millätlär oyışması häm törek xezmättäşlärebezgä azıq-tölek iminlegen nığıtu yulındağı tırışlıqları öçen räxmätlebez”.
Kubrakov kileşüne tormışqa aşırudağı “yasalma” kirtälärne beterü kiräklegen assızıqladı.
Türkiyä ilbaşı Räcäp Tayyip Ärdoğan Qara diñgez aşlıq koridorı kileşüeneñ tağın 2 ayğa ozaytıluı turında qarar çığarıluın kiçä belderde.
