Ärdoğan: “Qara diñgez aşlıq koridorı kileşüe tağın 2 ayğa ozaytıldı”

İlbaşı häm “Ğadellek häm üseş” partiyası ğomum başlığı Ärdoğan başqala Änkarada partiyasınıñ ğomum üzägendä oyıştırılğan cıyılışta çığış yasadı.

Ärdoğan: “Türkiyäneñ äydäp baruçanlığı, Rusiyä belän Ukrainanıñ konstruktiv totışları, Berläşkän Millätlär Oyışmasınıñ ciñeläytüçänlege näticäsendä 2022nçe yılnıñ 22nçe iyül’ könne İstanbulda imzalanğan kileşü berniçä tapqır ozaytıldı. Soñğı ozaytunıñ waqıtı beta ide. İlebezneñ tırışuı, gayrätläre, Rusiyäle duslarıbıznıñ yaqlawı häm Ukrainalı duslarıbıznıñ öleşe belän Qara diñgez aşlıq koridorı kileşüeneñ tağın 2 ayğa ozaytıluı turında qarar qabul itelde,” – dip äytte.

İlbaşı Ärdoğan: "Global’ azıq-tölek täêmin itü çeltäreneñ özleksez êşläwe, bigräk tä moxtac illärneñ aşlıqqa ireşüeneñ ciñeläytelüe cähätennän bik zur ähämiyätkä iyä bu qararnıñ böten taraflarğa xäyırle buluın telim. Kileşüneñ, böten şartları ütälep, monnan soñğı barışta da däwam itüe öçen tırışlıqlarıbıznı däwam itteräçäkbez. Ayıruça Rusiyälu duslarıbız Mykolayiv häm Olvia portlarındağı törek qorablarınıñ çığuın da totqarlamayaçaqların belderdelär. Bez monıñ öçen dä üzlärenä bik räxmätle,” – dide.