Türkiyä xökümätenä räxmät süzläre
Martin Griffits:"Türkiyä xökümätenä Qara diñgez aşlıq iniśiativasında kürsätkän tırışlığı häm qatğıylığı öçen räxmät äytäm"
Berläşkän Millätlär Oyışmasınıñ gumanitar êşlärdän cawaplı ğomum särqatip urınbasarı häm aşığıç yärdäm koordinatorı Martin Griffits Türkiyä xökümätenä Qara diñgez aşlıq iniśiativasında kürsätkän tırışlığı öçen räxmäten citkerde.
Griffits BMO iminlek şurasında Ukrainadağı gumanitar xäl qaralğan utırışta çığış yasap, soñğı atnalarda aşlıq iniśiativasın ozınaytu häm anıñ tağın da yaxşıraq êşläwe öçen tığız söyläşülär alıp barıluın äytte.
”Qara diñgez aşlıq iniśiativasınıñ däwam itüe zur ähämiyätkä iyä. Bez barlıq yaqlarnı da operaśiyäneñ problemasız häm näticäle alıp barıluı öçen üz burıçların ütärgä çaqırabız. Dön’ya bezne küzätä”,- dide ul.
Griffits iniśiativanı başlap cibärüdä Türkiyäneñ töp rol’ uynawın, soñğı söyläşülärneñ İstanbulda uzuın xäterlätep,”Türkiyä xökümätenä bu yünäleştäge tırışlıqları häm qatğıylığı öçen räxmät äytäm” dide.
Griffits iniśiativa yärdämendä 30 million tonnadan artıq yökneñ Ukraina portlarınnan qurqınıçsız räweştä êksportlanuın, alarnıñ 55%ınıñ üsep kilüçe illärgä,6%ınıñ artta qalğan illärgä cibärelüen assızıqladı.
Berläşkän Millätlär Oyışmasınıñ gumanitar êşlärdän cawaplı ğomum särqatip urınbasarı häm aşığıç yärdäm koordinatorı Martin Griffits beldergänçä, Azıq-tölek häm awıl xucalığı oyışması mäğ’lümatlarına qarağanda soñğı 12 ayda global’ aşlıq bäyäläre 20%qa töşkän.
