Ärdoğan Mirziyayıvne täbrik itte

Üzbäkstan İlbaşı idaräse ofisınnan yasalğan belderügä kürä, Mirziyayıv Däwlät başlığı Ärdoğan belän telefon söyläşüen ütkärde.

Söyläşü waqıtında liderlar ike il arasındağı kiñ qolaçlı strategik urtaqlıq mönäsäbätläreneñ tağın da üsterelüe, konstruktiv xezmättäşlek belän prioritetlı proyıktlarnıñ tormışqa aşırıluı turındağı mäs’älälärne quzğattı.

Üzbäkstanda Türkiyäneñ aldınğı firmalarınıñ qatnaşuında başqarılğan investiśiya proyıktların küzdän kiçergän liderlar ayıruça Türkiyä-Üzbäkstan yuğarı däräcäle strategik xezmättäşlek şurasınıñ çirattağı cıyılışına äzerlek mäs’älälären söyläşte.

İlbaşı Ärdoğan, Üzbäkstanda uzğan atnada oyıştırılğan töp qanun üzgäreşläre belän bäyle referendumnıñ uñışlı uzuı uñayınnan Mirziyayıvne qotlap, qardäş Üzbäkstan xalqına xozur, üseş häm mullıq teläde.

Mirziyayıv ta İlbaşı Ärdoğanğa Türkiyädä 14nçe mayda uzaçaq Däwlät başlığı häm 28nçe çor xalıq ışanıçlıları (parlament) saylawlarında uñışlar teläde.