Türkiyä ilbaşı milli xärbi oçqıçnıñ isemen “KAAN” dip iğ’lan itte

Ul bu xaqta Änkarada yasağan çığışında citkerde

1981406
Türkiyä ilbaşı milli xärbi oçqıçnıñ isemen “KAAN” dip iğ’lan itte

Türkiyä ilbaşı Räcäp Tayyip Ärdoğan Änkarada “Kiläçäk ğasırnı tanıtu” programmasında çığış yasadı.

Ul üz çığışında soñğı aylarda saqlanu sänäğatendä zur ğorurlıqlar buluın äytte.

“Bez xäzer cirdä, diñgezdä häm diñgez astında, hawada ğalämdä här cirdä”,- dide ul.

İlbaşı saqlanu sänäğatendä cirlelek külämeneñ 20%tan 80%qa qa kütärelüen assızıqladı.

Ärdoğan terror oyışmalarına tın alırğa irek birmäwlären äytep, ”Kiläse çorda qurqınıçsızlıq köçläre belän terror oyışmaların yuq itüne däwam itäçäkbez” dide.

Türkiyä ilbaşı milli xärbi oçqıçnıñ isemen “KAAN” dip iğ’lan itte.

Ul: “Türkiyä köçäyä, nığıy barğan sayın töbägebezdä häm dön’yada tınıçlıq, ğadellek, tigezlekneñ tamır cäyüen bergä küräçäkbez”,- dide.

İlbaşı Ärdoğan bilgeläp uzğança, cirle “Hürjet” reaktiv oçqıçı tizdän hawa köçläre inventarenä keräçäk, “TCG Anadolu” korabı urnaştırılaçaq.

“KAAN” oçqıçınıñ da yaqında hawarda bulaçağın äytüçe Ärdoğan, “Şundıy oçqıçnı küz aşdına kiteregez, ul doşmanğa kürenmiçä aña höcüm itäçäk. Tawış-tınsız tınıç qına bazasına kire qaytaçaq. Berniçä yıl êçendä barlıq testlarnı tögälläp inventarğa tapşrılaçaq. Bez dön’yada mondy tördäge oçqıç citeşterä alğan 5 ilneñ berse bulaçaqbız” dide.

 



Bäyläneşle xäbärlär