“Min xezmätneñ närsä ikänen,duslar belän qaynar ikmäkne büleşü bäxeten bik yaxşı beläm"

Türkiyä ilbaşı Räcäp Tayyip Ärdoğan êşçelärne 1 nçe may bäyräme belän qotladı.

Ul 1 nçe may – yaz häm xezmät bäyräme uñayınnan üzeneñ sośial media akkauntında bäyräm yullaması urtaqlaştı.

Ärdoğan üzen kapitan bulıp xezmät itkän ätineñ ulı buluın, şulay uq yäş’ çağında İstanbulda êşçe bulıp êşlägänen dä xäterlätte.

“Min xezmätneñ, mañğay tireneñ närsä ikänen, duslar belän qaynar ikmäkne büleşü bäxeten bik yaxşı beläm. Bez ilebezgä säyäsät aşa xezmät itü köräşebezdä tamırlarıbıznı häm qaydan kilgänebezne berqayçan da onıtmadıq. Bez 1 nçe maynı sezneñ öçen bäyräm iğ’lan ittek, çın mäğ’näsendä êşçe bäyräme yasadıq” dide ilbaşı üzeneñ yullamasında.

Ärdoğan hönärçelär berlekläre xoquqları, xezmät xaqları, êşçe sälamätlege häm qurqınıçsızlığı yağınnan bik möhim adımnar yasağannarın assızıqladı.

“Närsä genä êşläsäk tä, bergä êşlädek, bergä uñışqa ireştek ,awırlıqlarnı bergä ciñdek. Türkiyä ğasırın da sezneñ belän bergä tözerbez dip ışanam” dide Türkiyä ilbaşı Räcäp Tayyip Ärdoğan üzeneñ bäyräm yullamasında.