Türkiyä Sudandağı xällärne borçılıp küzätä

Tışqı êşlär ministrlığınnan yasalğan belderüdä:

"İzge Ramazan bäyrämenä yaqınlaşqan şuşı könnärdä qardäş qanınıñ bütän qoyılmawı häm tınıç xalıqnıñ zarar kürmäwe öçen här ike yaqnı da tınıçlıqqa çaqırabız. Xäzerge problemalarnı daimi çişüneñ berdänber yulınıñ dialogtan häm kileşüdän uzuına ışanabız. Bäreleşlärdän zıyan kürgän tınıç xalıqqa yärdäm qulınıñ suzıluın täêmin itü öçen aşığıç räweştä utnı tuqtatunıñ iğ’lan itelüeneñ häm utnı tuqtatunı ütäwneñ möhimlegenä basım yasıybız. Bu mäs’älädä Türkiyä bularaq härtörle yärdämne kürsätergä äzer buluıbıznı iskärtep uzabız,” – dip äytelde.

Belderüdä, Sudandağı törek watandaşlarınıñ wazğıyäteneñ küzätelüe citkerelep, ildäge xäzerge iminlek şartlarınıñ säyäxät itügä yaraşlı bulmawı häm watandaşlarnıñ bu êtapta yabıq urınnarda qaluın däwam itüeneñ bik zur ähämiyätkä iyä buluı bilgeläp uzıldı.

Yaraşlı iminlek häm logistik şartlar barlıqqa kilgän çaqta telägän watandaşlarnıñ Sudannan kitüe öçen kiräkle kürsätmäneñ yasalaçağı citkerelgän belderüdä bolay dip äytelde:

"İlçelegebez häm konsullıq beleşmä üzägebez watandaşlarıbız belän yaqın êlemtädä tora. Beleşmä üzägebez, watandaşlarıbızğa telefonnan ireşep, kiräkle mäğ’lümatne citkerä.

Watandaşlarıbıznıñ ministrlığıbıznıñ häm ilçelegebezneñ iğ’lannarı belän sośial’ media akkauntların yaqınnan küzätep baruları, älegä ilçelegebezdä terkälmägän watandaşlarıbıznıñ, tübändäge telefon nomerlarınnan şaltıratıp, mäğ’lümatlären buluı mömkin soraw-taläpläre belän bergä citkerüe faydalı bulaçaq.

Türkiyä Cömhüriyäteneñ Xartum ilçelege:

+249 90 094 27 38

+249 91 273 41 02

+249 90 028 54 58

Türkiyä tışqı êşlär ministrlığınıñ konsullıq beleşmä üzäge:

+90 312 292 29 29"