Çavuşoğlu Awstriyalı wazıyfadaşı häm Grossi belän oçraştı
Türkiyä Tışqı êşlär ministrı Mäwlüt Çavuşoğlu Awstriyalı wazıyfadaşı Alexander Schallenberg belän oçraştı
Ministr Çavuşoğlu Awstriya başqalası Venadağı oçraşuları belän bäyle bularaq “Twitter”dan yazma belän urtaqlaştı.
Çavuşoğlu, Venada Awstriya tışqı êşlär ministrı Schallenberg belän küreşülären iskärtep uzıp, 6nçı fevral’dağı Kahramanmaraş êpiśentrlı cirteträwlärdä Awstriyanıñ yärdämnäre öçen räxmät äytte.
"(İke il arasında) İq’tisadi, säwdä häm mädäniyät xezmättäşlegebezne däwam itteräçäkbez,” – dip belderüçe Çavuşoğlu söyläşü waqıtında Ukraina, Süriyä häm Qavqazdağı waqıyğalarnı quzğatuların citkerde.
Çavuşoğlu Awstriya säfäre qısalarında Xalıqara atom ênergiyası oyışması direktorı Rafaêl Grossi belän dä küreşep söyläşte.
Ministr Çavuşoğlu söyläşü turında sośial’ media akkauntınnan yasağan belderüendä:
“Xalıqara atom ênergiyası agentlığı direktorı belän Zaporojye atom êlektrostanśiyasendäge soñğı wazğıyätkä häm İrannıñ atom-töş programmasına qağılışlı söyläşülärgä tuqtalıp uzdıq,” – dip äytte.
Bäyläneşle xäbärlär
Şol’ś: “Törkiyä härwaqıt möhim strategik urtaq”
Germaniyä Kanślerı Olaf Şol’ś Törkiyäneñ härwaqıt möhim strategik urtaq buluın äytte