“İmäcä” iyärçene comğa könne ğalämgä oçırtıla

Türkiyä sänäğät häm texnologiya ministrlığınnan yasalğan yazmaça belderügä kürä, “TÜBİTAK” Türkiyä fänni häm texnik tikşerenülär oyışmasınıñ “UZAY” (Ğaläm) törkeme tarafınnan proyıktlanğan häm qamilläşterelgän “İmäcä” iyärçeneneñ ğalämgä cibärelüenä sanawlı waqıt qaldı.

“İmäcä”neñ ike tapqır kiçekterelüennän soñ comğa könne Türkiyä waqıtı belän 09.48dä Amerika Quşma Ştatlarında urnaşqan Vandenberg ğaläm köçläre bazasınnan ğalämgä oçırtıluı küzdä totıla.

Oçırtu tantanası başqala Änkarada urnaşqan “TÜBİTAK UZAY”nıñ küzätü stanśiyasında Sänäğät häm texnologiya ministrı Mostafa Varank, İlbaşı idaräseneñ strategiya häm byudjet başlığı İbrahim Şänäl, İlbaşı idaräseneñ saqlanu sänäğäte başlığı İsmail Dämir, Sanlı transformaśiya ofisı başlığı Ali Taha Koç belän “TÜBİTAK” başlığı Hasan Mandal qatnaşuında uzdırıla.

680 çaqrım biyıklektä qoyaşqa sinxron orbitaga keräçäk “İmäcä” isäplänelgän wazıyfa waqıtı bulğan 5 yıl buyı maqsatnı diagnostikalaw, bilgeläw, tabiğıy afat, awıl xucalığı êşçänlege kebek bik küp ölkädä xezmät biräçäk.

İyärçen cir şarınıñ teläsä qaysı poçmağınnan sürät töşerä alaçaq.