Rusiyä tışqı êşlär ministrı Lavrov Türkiyägä räsmi säfär belän kilä

Rusiyä tışqı êşlär ministrlığınnan yasalğan yazma belderüdä Lavrovnıñ Türkiyä Tışqı êşlär ministrı Mäwlüt Çavuşoğlunıñ qunağı bularaq ike yaqlı häm xalıqara kön tärtibendäge törle mäs’älälärne söyläşü öçen Türkiyägä säfär yasayaçağı citkerelde.

Belderüdä Lavrov belän Çavuşoğlunıñ Ukraina, Kön’yaq Qavqaz, Yaqın Könçığış, Tön’yaq Afrika häm Qara diñgez töbägendäge wazğıyätne söyläşäçäge iskärtelep uzıldı.

Rusiyä tarafınıñ “yaxşı niyät bilgese bularaq” 60 köngä waqıtın ozaytqan Aşlıq koridorı kileşüeneñ ütäleşe belän bäyle söyläşü ütkäreläçäge turında äytelgän belderüdä:

“Bigräk tä törek urtaqlarıbıznıñ yärdäme belän barı tik Ukraina aşlığının dönya bazarlarına täq’dim itelüe cähätennän genä tügel, ber ük waqıtta xalıqara iq’tisad operatorlarınıñ Rusiyä awıl xucalığı êşlänmälärenä häm aşlamasına ireşüeneñ totqarlanmawı yağınnan da bu kileşülärneñ kiñ qolaçlı räweştä ütälüeneñ täêmin itelüen maqsat itäbez,” – dip basım yasaldı.