Oktay: “Maqsatıbız – Türkiyäne afätlärgä qarşı iñ äzerlekle reakśiya birä alğan ilgä äyländerü”

Türkiyä İlbaşı urınbasarı Fuat Oktay belemgä nigezlängän qaraş belän Türkiyäne dönyanıñ afätlärgä qarşı iñ äzerlekle, afätlärdän soñ iñ tiz häm êffektiv reakśiya birä alğan ilgä äyländerüne maqsat itülären belderde

1967504
Oktay: “Maqsatıbız – Türkiyäne afätlärgä qarşı iñ äzerlekle reakśiya birä alğan ilgä äyländerü”

Oktay “TÜBİTAK” Türkiyä fänni häm texnik tikşerenülär cämğıyäte tarafınnan onlayn bularaq oyıştırılğan Cirteträw tikşerenüläre virtual’ konferenśiyağa video yullama cibärde.

Türkiyäneñ fevral’ ayında ğasırnıñ zilziläse dip bäyälängän ber-ber artlı zur cirteträwlär yäşäwen häm annan soñ qayberäwläre ayırım ber zilzilä cimertkeç köçendäge iyärçen cirteträwlärneñ (afterşoklarnıñ) däwam itüen xäterlätüçe Oktay zilzilä xäbäre belän däwlätneñ böten mömkinleklären cälep itü belän bergä Türkiyäneñ afätlärgä çıdamlığın arttıru häm afät idaräsen tağın da êffektiv itü öçen fän ölkäsendä dä mobilizaśıya başlatuların äytte.

Oktay, belem häm texnologiyanıñ admiral köymäse “TÜBİTAK”nı fän ölkäsendäge mobilizaśiyanıñ äydäp baruçılarınnan berse bularaq bilgeläwlären citkerep, İlbaşı Räcäp Tayyip Ärdoğannıñ liderlığında oyıştırılğan "Türkiyä milli risk qalqanı” modeleneñ nigezen dä buldıraçaq êşçänlekneñ başlatıluın iskärtep uzdı.

Ber yaqtan zilzilä töbägendä cirlektä tikşerenülär ütkärelgän bulsa, şul uq waqıtta sośial’ belemnärne qızıqsındırğan aspektlarğa iğ’tibar itelüen belderüçe Oktay: "Maqsatıbız – belemgä nigezlängän qaraş belän Türkiyäne dönyanıñ afätlärgä qarşı iñ äzerlekle häm afätlärdän soñ iñ tiz häm täêsirle reakśiya birä alğan ilgä äyländerü,” – dip äytte.



Bäyläneşle xäbärlär