Törek saqlanu sänäğatendäge uñışlar çit il matbuğatında

Törek saqlanu sänäğatendäge uñışlar çit il matbuğatında çağılış tabuın däwam itä. Amerikanıñ CNBC telekompaniyäse älege mäs’älä xaqında qızıqlı yazma çığardı. Ul “Qorallı keşesez hawa aparatları häm milliard dollarlıq kileşülär: Türkiyäneñ zur tizlek belän üsüçe saqlanu sänäğate anıñ dön’yaküläm yoğıntısın arttıra” başçası astında birelä.

Yazmada törek saqlanu sänäğatendäge êksportnıñ daimi üseştä buluı assızıqlana. “Türkiyä 2022nçe yılda 4 milliard 400 million dollarlıq saqlanu êksportı yasadı. Bu qayber Awrupa däwlätläreneñ yıllıq saqlanu byudjetınnan kübräk. Älege kürsätkeçneñ 2023nçe yılda 6 milliard dollarğa citüe kötelä” diyelä anda.

2022nçe yılnıñ 24nçe fevralendä başlanğan Rusiyä-Ukraina suğışı säbäple NATO däwlätläreneñ zapaslarınıñ citdi räweştä kimüenä iğ’tibar cälep itelä.

CNBCnıñ yazmasında “Törek saqlanu sänäğate şirkätläre aldağı yıllar buyı NATO illläreneñ inventaren yañartu öçen kilgän zakazlar belän tulı” diyelä.

Mäqalädä Türkiyäneñ bigräk tä keşesez hawa aparatları belän bergä tışqı säyäsättä alğa çığuı äytelä häm Nayraktar TB2neñ Ukraina suğışındağı täêsirle role assızıqlana.

“Törek saqlanu sänäğate şirkätläreneñ soñğı berniçä yılda yasağan xalıqara kileşüläreneñ sanı tiz artuçı sorawnı häm tikşerenü-citeşterügä kertkän inverstiśiyäne kürsätä. Monıñ töreklärneñ tışqı säyäsätenä dä yoğıntısı bar” digän yular urın ala CNBC yazmasında.