Kalın Şveśiyäneñ NATOğa kerü prośessı turında söyläde

Türkiyä ilbaşı apparatı süzçese İbrahim Kalın Şveśiyäneñ NATOğa kerü prośessınıñ alğa baruınıñ älege il yasayaçaq adımnarğa bäyle buluın söyläde. Ul şäxsi telekanallarnıñ bersendä könüzäk mäs’älälärgä bäyä birde.

Kalın NATOğa kerü prośessında bulğan Finlyandiyäneñ terrorçı oyışmalar belän köräştä häm Türkiyäneñ saqlanu sänäğate êşlänmälären tıyularnı beterüdä konstruktiv poziśiyädä buluın belderde. Şuña kürä älege ilneñ ittifaqqa äğ’zalığına uñay qarawların assızıqladı.

Kalın uzğan yıl Şveśiyädä konstituśiyägä üzgäreş kertelüen häm ğıynvardan başlap anıñ ğamälgä buluın, bu qısalarda yazılğan yaña terrorçılıq belän köräş qanunınıñ da 1nçe iyün’dä êşli başlayaçağın citkerde. “Yaqınça 2 ay êçendä anı tögällägän waqıtta bezneñ iminlek borçularıbıznı beterü yünäleşendä tağın da qararlı, konkret näticä birüçe adımnar yasawları mömkin bulaçaq,”-dide süzçe.

Kalın Şveśiyägä terrorçı oyışmalarğa qarşı xoquqıy, idari mäğ’nädä yasalaçaq adımnarnı tiz arada başqaruların sorawların äytte.

“Annan soñ bez NATO ittifağı êçendä berdämlek häm berlekne açıq räweştä kürsäterbez. Bez prinśip bularaq NATOnıñ kiñäyü säyäsätenä gel uñay qaradıq,”- dide Türkiyä ilbaşı apparatı süzçese İbrahim Kalın.