Kirişci: “Sunıñ möhimlege könnän-kön arta bara”

Awıl häm urman xucalığı ministrı Vahit Kirişci Türkiyäneñ 2030nçı yılğa qadär härkemneñ ışanıçlı häm çista êçü suına ireşüe öçen texnik häm potenśial yärdämne täêmin itüne, täcribäläre belän iñ yaxşı ğamällären urtaqlaşunı häm xalıqara xezmättäşlekne üsterüne däwam itteräçägen belderde.

Ministr Kirişci Berläşkän Millätlär Oyışmasınıñ İq’tisad häm sośial’ şurasında BMO Su konferenśiyäse qısalarında oyıştırılğan çarada çığış yasadı.

Klimat üzgäreşläre belän bergä su ähämiyäteneñ här uzğan kön tağın da artuına iğ’tibarnı yünältüçe Kirişci 2030nçı yılğa qadär global’ maqsatlarğa ireşelä alınuı öçen östämä finans çığanaqlarınıñ qullanıluınıñ häm texnik xezmättäşlek üsterüneñ möhimlegenä işarät itte.

Kirişci xäzerge mäğ’lümatlärgä kürä, 2030nçı yılğa qadär su belän bäyle maqsatlarnı üz êçenä alğan 6 nomerlı daimi üseş maqsatına ireşelä alınuı öçen global’ däräcädä tırışularnıñ dürt märtäbä arttırıluınıñ zarurlığın iskärtep uzdı.

Milli keremgä qarap iñ küp humanitar yärdäm kürsätkän illärdän berse bulğan Türkiyäneñ Afrika belän bergä dönyanıñ törle töbäklärendä törle êşçänlek başlatuına tuqtalıp uzuçı ministr Kirişci 2005nçe yıldan birle Afrika qıytğasında açqan 512 qoyı belän 1,85 million keşegä êçü häm qullanu suın täêmin itülären belderde.

Kirişci: "Türkiyä 2030nçı yılğa qadär härkemneñ ışanıçlı häm çista êçü suına ireşüe öçen texnik häm potenśial yärdämen täêmin itüne, täcribäläre belän iñ yaxşı ğamällären urtaqlaşunı, çikläreneñ ar’yağında asqormağa kapital salunı häm xalıqara xezmättäşlekne üsterüne däwam itäçäk,” – dip äytte.