İlbaşı cir teträwlärdän zıyan kürüçelär öçen tözeläçäk yortlarğa nigez salu tantanasında qatnaştı

Türkiyä ilbaşı Räcäp Tayyip Ärdoğan 6 nçı fevral’dä bulğan cir teträwlärdän zıyan kürgän 11 vilayät’tä berençe êtapta tözeläçäk toraq yortlarğa nigez salu tantanasında qatnaştı.

Cir teträwlärneñ êpiśentrı bulğan Kaxramanmaraşqa kilgän ilbaşı ğasır fäläkätennän soñ başqarılğan êşlär xaqında mäğ’lümat aldı.

Ärdoğan watandaşlar belän dä oçraştı, soñınnan cir teträwdän zıyan kürgän 11 vilayät’tä berençe êtapta tözeläçäk barlığı 17 meñ 902 yortqa nigez salu tantanasında qatnaştı.

Ul biredä yasağan çığışında Kaxramanmaraşnıñ faciğada zur yuğaltularğa duçar bulğan şähärlärneñ berse buluına basım yasadı.

İlbaşı cimerelgän binalar urınına yañaların tözep, şähärlärne torğızıp Türkiyä ğasırına taba baruların belderep, “Cir teträw öylärebezne cimerep bezgä zıyan saldı, läkin bu afät Türkiyä ğasırı xıyalıbıznı berqayçan da bezdän ala almayaçaq” dide.