Cirteträwdä häläq buluçılar öçen utlar sündereläçäk

Bötendönya tabiğatne saqlaw waqıfınıñ tabiğat mäydannarınıñ häm törläreneñ yuqqa çığuına, klimat krizisına iğ’tibarnı yünältü öçen här yıl mart ayınıñ soñğı şimbä könne dönya cämäğätçelegenä çaqıru räweşendäge global’ çara bulğan “Dön’ya säğäte” bıyıl böten dönyada 25nçe mart şimbä könne kiçen säğät 20.30-21.30 arasında ütkäreläçäk.

Böten dönyada ber säğätkä utlar sündereläçäk.

Êş dönyası häm daimi üseş cämğıyäte idarä şurası başlığı Äbru Dildar Ädin cirteträwlärdä ğomere özelüçelär iskä alınaçaq Türkiyädäge “Dön’ya säğäte” çarası mönäsäbäte belän yasağan belderüendä 2007nçe yıldan birle böten dönyada oyıştırılğan “Dön’ya säğäte” çarası waqıtında klimat krizisına häm tabiğat yuğaltularına iğ’tibar yünältelüen iskärtep uzdı.

Ädin bıyıl Türkiyädäge Dön’ya säğäte çarası waqıtında 6nçı fevral’dağı Kahramanmaraş êpiśentrlı cirteträwlärdä häläq buluçılar öçen utlarnıñ sündereläçägen citkerep, afät töbägeneñ daimi nıqlıq nigezendä yañadan torğızıluınıñ bik zur ähämiyätkä iyä buluına basım yasadı.

Afät töbägendäge keşelärgä ışanıçlı kiläçäk tözüneñ monnan soñğı berdänber prioritetnıñ buluına işarät itüçe Ädin, çista suğa häm ışanıçlı azıq-tölekkä ireşüneñ möhimlegenä iğ’tibarnı yünältep, cirteträwneñ cimertkeç yoğıntısınnan soñ töbäk duçar bulğan qorılıqnıñ da citdi problema buluın belderde.